जलेश्वर– महोत्तरीको एकडारास्थित रामजानकी मन्दिरबाट ३ ओटा मूर्ति चोरी भएका छन् ।एकडारा गाउँपालिका–२ मा अवस्थित रामजानकी मन्दिर (कुट्टी) बाट बिहीबार राति ७ लाख ५ हजार मूल्य बराबारका ३ ओटा मूर्ति चोरी भएका हुन् ।
जिल्ला प्रहरी कार्यालय महोत्तरीका प्रहरी नायव उपरीक्षक (डिएसपी) माधवप्रसाद बुढाथोकीले चोरहरुको एक समूहले मन्दिरबाट ३ ओटा मूर्ति चोरेको बताए ।
सो मन्दिरमा रहेका प्रतिगोटा दुई लाख ५० हजारमा किनेर स्थापना गरिएको अष्टधातुको १५÷१५ किलोग्रामका डेढ÷डेढ फिटको भगवान रामको सीता र लक्ष्मणको मूर्ति चोरिएको डिएसपी बुढाथोकीले जानकारी दिए ।
प्रहरीले चोरहरुको खोजी भइरहेको जनाएको छ । ‘चोरी भएको खबर पाउनसाथा हामीले खोजी कार्य तीब्र पारेका छौं,’ डिएसपी बुढाथोकीले भने, ‘उनीहरु छिट्टै पक्राउ पर्छन् ।’
