काठमाडौं– यस वर्ष मनसून शुरू भएयताकै लामो समयसम्म जारी वर्षाका कारण देशभरको जनजीवन प्रभावित बनेको छ । बिहीवारयता भइरहेको अविरल वर्षाका कारण तराईका भू-भाग र काठमाडौं उपत्यका डुबानको चपेटामा परेका छन् । काठमाडौंका कैयन भू-भाग जलमग्न बनेका छन् ।
वर्षाका कारण कलंकी मालपोत क्षेत्र डुबानमा परेको छ । मालपोत कार्यालय, प्रहरी चौकी लगायतका स्थान जलमग्न बनेका छन् । यस क्रममा बल्खु खोलाको बाढीले एक जनालाई बेपत्ता बनाएको प्रहरीले जनाएको छ ।
विज्ञापन (ADVERTISEMENT)
ग्यास सिलिन्डर बगाएपछि त्यसलाई समाउन जाने क्रममा विनोद चौधरी नाम गरेका व्यक्त कलंकीबाट बेपत्ता भएको महानगरीय प्रहरी परिसरका प्रवक्ता डीएसपी होबिन्द्र बोगटीले लोकान्तरलाई जानकारी दिए । तस्वीर: शेषकान्त पण्डितको फेसबूकबाट
