पोखरीमा पौडी खेल्दा बालिकाको मृत्यु

सुनसरी, श्रावण ०५ गते ।

सुनसरीको बराहक्षेत्र नगरपालिका-५ मा रहेको पोखरीमा पौडी खेल्ने क्रममा १४ बर्षीया बालिकाको डुबेर मृत्यु भएको छ । धनकुटाको छिन्ताङ-५ घर भई बिगत ७/८ बर्ष देखी स्थानीय राजु अधिकारीको घरमा बस्दै आएका पबित्रा श्रेष्ठ कि १४ बर्षिय छोरी अनु श्रेष्ठ र १६ बर्षिय ममता श्रेष्ठ दुबै जना शनिवार अपरान्ह सवा ४ बजे पोखरीमा पौडी खेल्ने क्रममा अनु श्रेष्ठको डुबेर मृत्यु भएको हो । घटनाबारे जानकारी पाउनासाथ ईलाका प्रहरी कार्यालय महेन्द्रनगरबाट खटिएको प्रहरीको टोलीले कानूनी प्रकृया पुरा गरी शवलाई पोष्टमार्टमको लागी बि.पी. कोईराला स्वास्थ्य विज्ञान प्रतिष्ठान घोपा धरान पठाएको छ भने घटना सम्बन्धमा थप अनुसन्धान भईरहेको उक्त कार्यालयले जनाएको छ ।