निवर्तमान सभामुख कृष्णबहादुर महरा आज छुटलान ?

काठमाण्डु , १७ कात्तिक – निवर्तमान सभामुख कृष्णबहादुर महराको थुनछेक बहस आजवाट शुरु हुँदैछ । बिहीबार महराविरुद्द काठमाण्डु जिल्ला अदालतमा दर्ता भएको बलात्कार प्रयास मुद्दामा आजवाट थुनछेक बहस हुन लागेको हो ।

महरालाई लागेको अभियोगमाथि उनी पक्षका वकिलहरुले बहस गर्नेछन् । बहस सकिएको अवस्थामा उनी रिहा हुने वा पुर्पक्षका लागि कारागार पठाउने भन्ने फैसला हुनेछ । अदालतले शुक्रबार महरासँग उनीमाथि लागेको आरोपका विषयमा बयान लिएको थियो । सरकारी वकिलको कार्यालयले बलात्कार प्रयासमा ५ वर्ष र आफू मातहतको कर्मचारीमाथि बलात्कार प्रयास भएकाले थप साढे २ वर्ष गरी साढे ७ वर्ष कैदको माग गर्दै मुद्दा दर्ता गरेको छ ।

संसद् सचिवालयकी एक कर्मचारीमाथि बलात्कार प्रयासको आरोप लागेपछि उनलाई गत असोज १९ मा पक्राउ गरेर प्रहरीले अनुसन्धान थालेको थियो ।