काठमाडौं, १५ वैशाख । स्थानीय तहको निर्वाचनका लागि नेकपा (एमाले)को घोषणापत्र लगभग तयारी अवस्थामा पुगेको छ । यही वैशाख १७ गते दिनको ३ बजे घोषणापत्र सार्वजनिक गरिने एमालेले जनाएको छ । पार्टी केन्द्रीय कार्यालय धुम्बाराहीमा शुक्रबार बसेको स्थायी कमिटी बैठकले पार्टीको घोषणापत्र सुझावहरुलाई समेटेर पारित गरेको हो । घोषणापत्रलाई सम्पादन गरी अन्तिम रूप दिनका लागि उपाध्यक्ष भीम रावल, सचिव प्रदीप ज्ञवाली, स्थायी समिति सदस्य सुरेन्द्र पाण्डेलाई जिम्मेवारी दिइएको केन्द्रीय प्रचार विभाग प्रमुख योगेश भट्टराईले जानकारी गराए ।  स्थानीय निर्वाचनका लागि पार्टी केन्द्रद्वारा निर्णय गर्नुपर्ने उम्मेदवारहरूका विषयमा अर्को बैठक शनिबार पनि बस्नेछ