पोखस्थित नेकपाको चुनावी सभास्थलनजिकै बम विस्फोट भएको छ ।
नेकपा अध्यक्ष पुष्पकमल दाहाल प्रचण्ड, नेता वामदेव गौतम लगायत सहभागी चुनावी सभालाई लक्षित गरी बम विस्फोट गराइएको हो ।
बम विस्फोट कसले गरायो भन्ने खुल्न सकेको छैन । विस्फोटमा परी एक जना सामान्य घाइते भएको र ठूलो मानवीय क्षति नभएको प्रहरीले जनाएको छ ।
विस्फोटको आवाज आएपछि सहभागीबीच भागाभाग भएको थियो ।
प्रहरीले घटनास्थललाई नियन्त्रणमा लिएर ठूलो क्षति नभएको र सुरक्षाको प्रत्याभूति गराएपछि सभा सुचारु भएको छ ।
सभालाई प्रचण्ड, वामदेव लगायतले सम्बोधन गर्न बाँकी छ ।
कास्की – २ मा मंसिर १४ गते हुने उपनिर्वाचन हुँदैछ । उक्त क्षेत्रमा नेकपाबाट विद्या भट्टराई (अधिकारी) उम्मेदवार छिन् ।
भट्टराई उक्त क्षेत्रका पूर्व सांसद स्वर्गीय रवीन्द्र अधिकारीकी पत्नी हुन् ।
तत्कालीन पर्यटन मन्त्री समेत रहेका अधिकारीको हेलिकप्टर दुर्घटनामा परी निधन भएपछि सो क्षेत्र जनप्रतिनिधिविहीन बनेको थियो ।
