तपाइँ ट्राफिक जाममा फस्नुभयो भने केके सोच्नुहुन्छ ?
एक व्यक्तिले ट्राफिक जाममा फसेपछि उनी आफैंले हेलिकोप्टर बनाएका छन् ।
ट्राफिक जामबाट हैरान भएका उनले त्यसबाट बच्नका लागि हेलिकोप्टर बनाएका हुन् । यो घटना इन्डोनेशियाको जकार्ताको हो ।
त्यहाँ बस्ने जुजुन जुनैदीले आफ्ना लागि हेलिकोप्टर बनाएको समाचार एमएसएन न्युजले लेखेको छ ।
जुजुन जुनैदीले बताएका छन्, 'ट्राफिक जाममा फसेपछि हेलिकोप्टर बनाएर त्यसैमा उड्ने सोच बनाएको थिएँ ।'
उनी एक गाडी मेकानिक हुन् । उनले १८ महिना अघिदेखि हेलिकोप्टर बनाउन शुरू गरेको बताएका छन् । हेलिकोप्टर निमाणका निम्ति उनको अहिलेसम्म १.५० लाख भारतीय रुपैयाँ खर्च भइसकेको छ ।
उनको हेलिकोप्टरको लम्बाई २६ फिट रहेको छ भने यो पेट्रोलको सहयताले उड्छ । यसमा ७०० सीसीको २३ हर्सपावरको जेनेरेटर लाग्छ । यसको परीक्षण उडान भने अहिलेसम्म गरिएको छैन ।
