काठमाडाैं । सरकारले घोषणा गरेको नेपाल भ्रमण वर्ष २०२० बाट मात्रै नारायणी नदीमा पानी जहाज सञ्चालनमा आउने भएको छ ।
दशैँबाट सञ्चालन गर्ने तयारीका साथ काम अगाडि बढाइएको रिभर क्रुज शीपको स्वरुपमा परिवर्तन गर्दा सञ्चालनमा ढिलाई भएको निर्माण कम्पनीले जनाएको छ ।
विज्ञापन (ADVERTISEMENT)
राइनो वाटर इन्टरटेनमेन्ट प्रालिको १५ करोड रुपैयाँको लगानीमा दुई सय ५० जना क्षमताको रिभर क्रुज शीप सञ्चालनको अन्तिम तयारीमा पुगिएको कम्पनीका प्रबन्ध निर्देशक रामचन्द्र कँडेलले बताउनुभयो । अर्कोसाता शीपको परीक्षण पश्चात अङ्ग्रेजी नयाँ वर्षको दिनमा उद्घाटन गरेर नियमित सञ्चालनमा ल्याइने कँडेलले बताउनुभयो ।
कम्पनीले पानी जहाज कार्यालयबाट ३८ किलोमिटर दुरीमा जहाज सञ्चालनको अनुमति पाएको छ । कम्पनीले पर्यटकीयस्थल गोलाघाटदेखि पवित्र धार्मिक तीर्थस्थल देवघाटसम्मको दुरीमा जहाज सञ्चालन गर्नेछ।
