काठमाडौँ । विवादका क्रममा प्रहरी जवान समेत रहेकी प्रेमिका रनिता केवटको पेस्तोल लिएर फरार रहेका प्रेमीलाई प्रहरीले पक्राउ परेका छन् ।
बिहीबार जनकपुरको रामपुरबाट प्रहरी जवान केवटका प्रेमी शिवेन्द्र यादवलाई प्रहरीले पक्राउ गरेको हो ।
विज्ञापन (ADVERTISEMENT)
केवट उच्च अदालत जनकपुरकी न्यायाधीश सकुन्तला घिमिरेको पीएसओ हुन् । आपसी विवादका क्रममा केही दिन पहिले यादवले केवटको पेस्तोल लिएर फरार भएका थिए ।
जिल्ला प्रहरी कार्यालय धनुषाबाट खटेको टोलीले यादवलाई एक थान चाइनिज पेस्तोल, ७ राउण्ड गोलीसहित पक्राउ गरेको जिल्ला प्रहरी कार्यालय धनुषाका प्रहरी नायब उपरीक्षक रामेश्वर कार्कीले बताए ।
प्रहरीले केवटलाई भने यसअघि नै नियन्त्रणमा लिएर छानबिन गरिरहेको छ ।
