धनुषा – धनुषाको मिथिला नगरपालिका-३, बडहरीमा एक जनाले खुकुरी प्रहार गरेर भाइ-बुहारीकाे हत्या गरेका छन् ।
वैदेशिक रोजगारीमा रहेका भाइ मिश्रि पञ्जियारकी श्रीमती २८ वर्षीया रानीदेवी पञ्जियारलाई जेठाजु श्रीप्रसाद पञ्जियारले बुधबार खुकुरी प्रहार गरी हत्या गरेका हुन् ।
खुकुरी प्रहारबाट गम्भीर घाइते भएकी रानीको उपचारको क्रममा जनकपुरधामकाे प्रादेशिक अस्पतालमा मृत्यु भएको इलाका प्रहरी कार्यालय ढल्केबरका प्रमुख रामकुमार यादवले बताउनु भएको छ ।
घरेलु विवादका कारण श्रीप्रसादले रानीको टाउको पछाडि खुकुरी प्रहार गरेका थिए । खुकुरी प्रहारबाट उनको टाउकोमा ३ वटा घाउ देखिएको उपचारमा संलग्न चिकित्सकहरुले जनाएका छन्।
प्रमुख रामकुमार यादवले जनाए अनुसार मृत्युअघि जेठाजुले घरायसी विवाद हुँदा पछाडिबाट खुकुरी प्रहार गरेको रानीले बयान दिएकी थिइन् । प्रहरीका अनुसार घटनापछि फरार भएका पञ्जियारको खोजतलास जारी रहेको छ । प्रहरीले घटनास्थलबाट खुकुरी फेला पारेको छ । उज्यालो अनलाइन बाट साभार गरिएको
