दमकबाट घुस्याह प्रहरी हवल्दार पक्राउ

अख्तियार दुरुपयोग अनुसन्धान आयोगले इलाका प्रहरी कार्यालय ऊर्लाबारीमा कार्यरत प्रहरी हवल्दारलाई घुस लिएको आरोपमा पक्राउ गरेको छ।

प्रहरी हल्दार राजु श्रेष्ठलाई सेवाग्राहीबाट ८ हजार रुपियाँ घुस लिएको आरोपमा पक्राउ गरिएको अख्तियार दुरुपयोग अनुसधान आयोगले जनाएको छ।

काठ फर्निचरको कारोबारमा सहजीकरण गर्ने नाममा श्रेष्ठले सेवाग्राहीसँग घुस लिएको आयोगका प्रवक्ता प्रदीपकुमार कोइरालाले निकालेको विज्ञप्तिमा भनिएको छ।

दमक नगरपालिका वडा नं ४ ताराबारीस्थित काठमिलमा सेवाग्राहीसँग लिँदालिँदै श्रेष्ठलाई नियन्त्रणमा लिइएको हो। आयोगको इटहरीस्थित कार्यालयमा राखेर श्रेष्ठलाई थप अनुसन्धान गरिरहेको आयोगले जनाएको छ।