दमक/ युवा गायक मोहन थेगिम लिम्बू पछिल्लो समय कलेजो, पेट र मृगौला सम्बन्धी रोगले पीडित बनेका छन् । दमक–१ कुमाल चौकस्थित फर्निचर व्यवसाय सञ्चालन गरिआएका गायक थेगिमको उपचारमा आर्थिक समस्या उत्पन्न भएको छ ।
लामो समय दमक, बिराटनगर, धरान हुदै काठमाण्डौमा उपचारत उनै गायक थेगिम केही दिनअघि झापा दमकस्थित घर फर्किएका छन् । आर्थिक अवस्था कमजोर उनको उपचारमा सहयोगी मनकारी दाताहरुले जुटाएको रुपैयाले अहिलेसम्मको उपचार भइरहेको परिवारले जानकारी गराएको छ ।
इलामको चुलाचुली गाउँपालिकाका निवासी गायक थेगिम दमकमा फर्निचर उद्योग सञ्चालन गर्दैै परिवारको जीविका पार्ज्न गरिरहेका थिए । तर, उनको कमाईले परिवारको हातमुख जोडिरहेका भएपनि पछिल्लो समय अस्पतालमा बसाईले परिवारमा आर्थिक समस्या उत्पन्न भएको परिवारले जनाएको छ ।
यसैवीच, आइतबार झापाको कनकाई नगरपालिकाको दुर्गापुर बजारमा गायक मोहन थेगिम बचाउ अभियान अन्तरगत जीवनको लागि संगीत यात्रा आयोजना गरिएको छ । चर्चित नायक राजेश घतानी, गायक बोकेदारी अर्थात श्रीकृष्ण लुइटेल र गायक बिक्रम थुलुङले कार्यक्रममा प्रस्तुती दिएका थिए । उनै दुई गायकका सांगीतिक प्रस्तुतीहरु सहित रातो भालेले समेत मनोरञ्जनात्मक प्रस्तुती दिएका थिए ।
जीवनको लागि संगीत यात्रा कार्यक्रमका संयोजक अशोक क्षेत्रीका अनुसार गायक थेगिमको उपचारमा आर्थिक सहयोग जुटाउन कार्यक्रम गरिएको हो । कार्यक्रममा थेगिमका बुबा र कान्छी आमाको पनि उपस्थिति थियो । पछिल्लो समय युट्युव मार्फत भाईरल जोडीको रुपमा परिचित गायक थेगिमका बुबा र कान्छी आमालाई समेत हेर्न कार्यक्रममा सयौं सं्रख्यामा दर्शकको उपस्थिती रहेको अशोक क्षेत्रीले बताए ।
कार्यक्रममा अशोक क्षेत्रीको अध्यक्षतामा कार्यक्रम भएको थियो । कार्यक्रममा चलचित्र निर्माता तथा सामाजिक अगुवा रोशन लिम्बुको प्रमुख आतिथ्यता थियो ।
युथ ग्रुप नेपालकाो सहकार्यमा आयोजित कार्यक्रममा रु ५० हजार सङ्कलन भएको कार्यक्रम संयोजक क्षेत्रीले हाम्रोसरोकारलाई जानकराी दिए । उनले मानवीय सेवामा समर्पित भएर सहयोग गर्ने र कलाकार र स्थानीयवासीलाई आभार व्यक्त गर्दै धन्यवाद ज्ञापन गरेका छन् ।हाम्रोसरोकार
