काठमाडौं भित्रिने तथा बाहिरिने प्रमुख नाकामध्येको नारायणगढ–मुग्लिन सडक खण्ड यही वैशाख २५ गते (सोमबार)देखि दिउँसोको समयमा बन्द नहुने भएको छ ।
स्थानीय तहको निर्वाचनमा मतदाताहरुलाई आवातजावतमा सहज बनाई दिन वैशाख २५ देखि जेठ ३ गते सम्म नारायणगढ–मुग्लिन सडक खण्ड कुनै पनि बेला बन्द नहुने आयोजनाका इन्जिनियर शिव खनालले नारायणी अनलाईनलाई जानकारी दिए ।
आयोजनाले अहिले कामलाई द्रुत गतिमा अघि बढाउन विहान १० बजेदेखि दिउँसो ४ बजेसम्म सडक बन्द गर्दै आइरहेको छ । यही वैशाख ३१ गते स्थानीय तहको निर्वाचन हुने भएपछि सहजताको लागि सडक खुल्ला गरिन लागिएको हो । यस सडक खण्ड भएर हजारौं सवारी साधनहरु आवातजावत गर्ने गर्छन् ।
