संघीय लिम्बुवान पार्टी नेपाल स्थपना भएको एक बर्ष बित्न नपाउदै फूटेको छ । पार्टी भित्रको आन्तरिक कलहले संस्थागत लिदै कार्वाहीको चरणसम्म पुगेको छ । महासचिब प्रमेदिप थाम्सुहाङलाइ कार्वाही गरेको बिज्ञप्ति फेसबुकमा सार्वजनिक भएपछि यसले उग्र रुप लिएको हो । अध्यक्ष सन्जुहाङ पालुङ्वा र अर्का महासचिब सूर्य माखिमले जारी गरेको बिज्ञप्तिको प्रतिरोध गर्दै थाम्सुहाङ सहितको असन्तुष्ट समुहले बहुमत केन्द्रिय सदस्यहरुको हस्ताक्षर सहित अध्यक्ष पालुङ्वा र महासचिब माखिमलाइ कार्वाही गरेको सार्वजनिक गर्ने तयारी गरेको छ । अध्यक्षलाइ निलम्बन र माखिमलाइ साधरण सदस्य समेत नरहने गरी कार्वाही गरिएको ति पदाधिकारीले सवाल नेपाललाइ बताएकाछन् । सम्भवत शनिबार आज नै उक्त बिज्ञप्ति सार्वजनिक हुने पार्टीका एक पदाधिकारीले बताएकाछन् ।