काठमाडौं, २३ बैशाख । बागबजारको मुख्य सडक भासिएको छ । केही बेरअघि उक्त सडक भासिएको हो ।  सडक भासिएर ठूलो खाल्डो भएकाले आवागमन ठप्प भएको छ । पुतलीसडकबाट बागबजार मोडिएपछि टुकुचा पुलमा ठूलो भ्वाङ परेको हो । सडक भासिएपछि प्रहरीले बागबजार भएर चल्ने सवारी आवागमन रोकेको छ ।  यसैगरी हिल्टन होटलले होटल बनाउने क्रममा तीन तल्ला जमिनमुनी स्काभेटर लगाउँदा नक्साल भगवती बहालको सडक भासिएको थियो । जुन अहिलेसम्म पूर्णरुपमा बनिसकेको छैन ।