काठमाडौं – हिन्दु धर्मावलम्बी र धर्म गुरुपिच्छे शिवलिंग पूजिने विषयमा फरक/फरक मत पाइन्छ ।
धर्मग्रन्थले शिवलिंग पतन भएका ठाउँमा मन्दिर स्थापना गरी पूजा गरिने प्रचलन रहेको उल्लेख गरेका छन् ।
शिवलिंग पुरुष जैनेन्द्रिय आकारको हुन्छ । लिंग आकारलाई पूजा गर्नुको विशेष कारण पनि छ । यसमा कतिपय मिथक पनि छन् ।
जसमध्ये सतीदेवीले प्राण त्यागेपछि शिव नग्न रुपमा भौतारिएको विषय समेत छ । नग्न शिवलाई देखेर ऋषिपत्नीहरु आकर्षित भएर उनको पछि लागे । यो देखेर ऋषिहरुले लिंग पतन होओस् भनेर श्राप दिए ।
ऋषिमुनीको श्रापले शिवको लिंग पतन भयो । जहाँ/जहाँ पतन भयो त्यहाँ त्यहाँ शिवलिंग बन्यो । शिवको लिंग पतन भएको स्थानहरुलाई पवित्र मानेर पूजा गर्न थालियो ।
शिवलिंगलाई नै शिवको स्वरुप मानिन्छ । यसको विशेष महत्व छ । हिन्दु धर्ममा लिंगलाई पनि सकारात्मक रुपमा मानेर पूजा गर्ने प्रचलन छ । यो हिन्दु धर्मको सकारात्मक पक्ष हो जुन संसारको कमै र्धममा पाइन्छ ।
अर्कोतर्फ सम्भोगका लागि भौतारिएका शिवले समागम गर्न लाग्दा पृथ्वीमा अनर्थ हुन्छ भनेपछि देवी पार्वतीको गुप्ताङ्गमा नै थापिदा समेत शिवलिंगको आकृति त्यस्तो बनेको बताइन्छ ।
