सरकारले विक्रम संवत् २०७७ सालका लागि सार्वजनिक बिदाको सूची प्रकाशित गरेको छ ।
गृह मन्त्रालयले सोमवार राजपत्रमा सूचना प्रकाशित गरी वर्षभरीका बिदाबारे जानकारी गराएको हो ।
आगामी वर्ष चाडपर्वहरू पछाडि धकेलिएका छन् । कात्तिक ७ देखि ११ गतेसम्म दशैं बिदा तथा कात्तिक २९ देखि मंसिर १ गतेसम्म तिहार बिदा परेको छ ।
शनिवारबाहेक वैशाखमा ३ दिन बिदा परेको छ । वैशाख १ गते सोमवार नयाँ वर्षको बिदा, वैशाख १९ गते (मे १) विश्व मजदुर दिवस र वैशाख १५ गते बुद्ध जयन्तिको बिदा परेको छ ।
संविधान दिवसको दिन असोज ३ गते तथा अन्तर्राष्ट्रिय महिला दिवस (मार्च ८) को अवसरमा फागुन २४ गते सबैलाई बिदा दिने राजपत्रमा उल्लेख छ ।
यस्तै फागुन २७ गते शिवरात्रिको बिदा परेको छ । हेर्नुहोस्, बिदाको सूची :
