पेमेण्ट गेटवे इसेवाले काठमाडौं प्रेसको न्युज पोर्टलको समाचार डिलिट हुनुमा आफ्नो कुनै संलग्नता नरहेको भन्दै स्पष्टीकरण दिएको छ ।

चैत २१ गते शुक्रबार इसेवाले प्रेस विज्ञिप्ति जारी गर्दै काठमाडौं प्रेसको न्युज पोर्टलबाट समाचार डिलिट भएको विषयमा इसेवालाई समेत मुछिएको भन्दै त्यसमा इसेवाको हात नरहेको र नियोजितरुपमा प्रहार गरिएको भन्दै आपत्ति जनाएको हो ।

विगत ११ वर्षदेखि विद्युतीय भुक्तानी सेवा प्रदायकको रुपमा काम गरिरहेको र नगदरहित भुक्तानीको माध्यम बनाउन लागिपरेको इसेवाको तर्क छ । लकडाउनको विषम परिस्थितिमा पनि ग्राहकलाई सेवा दिइरहेको भन्दै इसेवामाथिको प्रहार न्यायोचित नभएको भन्दै उसले विभिन्न सञ्चारमाध्यम तथा सामाजिक सञ्जालमा आएको समाचारप्रति खेद प्रकट गरेको छ ।

इसेवाको नाम जोडेर तथा तथा यसका सञ्चालकहरुलाई जोडेर विभिन्न अनलाइन तथा सामाजिक सञ्जालमा आएका कुरालाई अफवाह र दुस्प्रचार भन्दै त्यसको पछि नलाग्न पनि इसेवाले ग्राहक, एजेण्ट, सेवा प्रदायक तथा बैंक र वित्तीय संस्थालाई आग्रह गरेको छ ।

हेर्नुहोस्, इसेवाको विज्ञप्ति ।