काठमाडौं । सरकारले बाह्य तथा आन्तरिक हवाई उडानमा भदौ १५ गतेसम्म रोक लगाएको छ । मन्त्रिपरिषदको सोमबार बसेको बैठकले १ भदौबाट खुला गर्ने भनिएको हवाई उडान थप १५ दिन लम्ब्याउने निर्णय गरेको हो ।

कोभिड—१९ संकट व्यवस्थापन सेन्टर (सीसीएमसी)ले कोरोनाको जोखिम बढेपछि १ भदौबाट खुला गर्ने भनिएको हवाई उडान थप १५ दिन बन्द गर्न सिफारिस गरेका थियो ।

यसअघि साउन ५ गतेको मन्त्रिपरिषद् बैठकले १२० दिन लामो लकडाउन अन्त्य गर्दै लामो दूरीका यातायात, बाह्य तथा आन्तरिक हवाई उडान र विद्यालय भर्ना भदौ १ गतेदेखि निर्णय गरेको थियो ।

सीसीएमसीले लामो दुरीमा सार्वजनिक यातायात, आन्तरिक तथा अन्तराष्ट्रिय व्यवसायिक उडान, खेलकुद प्रशिक्षण, विद्यार्थी भर्ना, विद्यालय भर्ना र परीक्षा जस्ता गतिविधि भदौ १५ सम्म स्थगित गर्न गरेका सिफारिसअनुसार मन्त्रिपरिषदले निर्णय लिएको छ ।