मेडिकल माफियाकरणविरुद्ध निरन्तर संघर्ष गरिरहेका डा. गोविन्द केसीले फेरि आन्दोलन तयारी गरेका छन्। उनले आफ्ना मागहरुको उचित सम्बोधन नभएमा आगामी जेठ १३ गते शनिबारदेखि ११ औं सत्याग्रहमा बस्ने घोषणा गरेका छन्। पहिले सम्झौतामा हस्ताक्षर भएको तर कार्यान्वयनको समयमा सम्झौताको भावनाको ठीक बिपरित हुनेगरी सरकारले काम गर्दै आएको भन्दै डा केसी पुनः आन्दोलनमा उत्रेका हुन्। पुराना सम्झौताहरु कार्यान्वयन गर्नकै लागि पुन: अर्को सत्याग्रह गर्नुपर्ने अवस्था आइपुग्नु ठूलो बिडम्बनाको बिषय भएको पनि उनले जारी गरेको विज्ञप्तिमा उल्लेख छ।
