नेपाली सेनाले अघिल्ला वर्षहरुझै यस बर्ष पनि सैनिक मञ्च टुँडिखेलमा फूलपाती बढाइँ समारोह आयोजना गर्दैछ । नेपाली सेनाले हरेक बर्ष आयोजना गर्दै आएको फूलपाती बढाइँ संस्कृति र परम्परालाई जीवन्तता दिन आज प्रतीकात्मक रूपमा मात्र यस वर्षको बढाइँ आयोजना गरिएको सैनिक प्रवक्ता सन्तोषबल्लभ पौडेलले जानकारी दिनुभयो ।
उहाँका अनुसार यस वर्षको बढाइँमा थोरै कार्यक्रम सामेल गरिएकाले करिब आधा घण्टामा सकिने छ । त्यस्तै कार्यक्रममा सेनाका थोरै सकलदर्जाको सहभागितामा लहरे, एकठ्ठाका अतिरिक्त तोप बढाइँ र ब्याण्ड प्रदर्शन गरिनेछ ।
फुलपाती बढाईमा पाहुनाको संख्या पनि कटौती गरी सय जनामा सीमित गरिएको छ । समारोहमा राष्ट्रपति विद्यादेवी भण्डारी प्रमुख अतिथिका रुपमा सरिक हुनुहुने सेनाले जनाएको छ।
