धरान, २० जेष्ठ
रोटारेक्ट कलब अफ धरान घोपालेे किरात याक्थुङ चुम्लुङको सहकार्य धरानको बरगाछीमा सडक बालबालिका र उनीहरुका परिवारका अरु सदस्यहरुकालागि नि:शुल्क स्वास्थ्य शिविर आयोजना गरेको छ । बि.पि. कोइराला स्वास्थ बिज्ञान प्रतिष्ठानको डा. अरुण कुमार सिंह नेतृत्वको ३ चिकित्सकहरुको टोलिद्वारा परीक्षण गरेको शिविरमा २० जना सडक बालबालिकाहरुको स्वास्थ परिक्षण गरिएको थियो। साथै सो स्वास्थ शिविरमा नि:शुल्क औषधि समेत वितरण गरिएको जानकारी कार्यक्रमका संयोजक रोटारेक्टर कृष्ण घिमिरेले दिए।
बिद्यालय नजाने यी बालबालिकाहरु दिन भरी सडक वरिपरि प्लास्टिकका सामान , फलामका टुक्रा , पानीका बोतलहरु जम्मा गरेर कबाडखानामा बेचेर आफ्नो जिविकोपार्जन गर्छन् । पौस्टिक आहार र सरसफाइको कमिले गर्दा सडक बालबालिकाहरुमा विभिन्न स्वास्थ समस्याहरु बढी पाएने रोटारेक्टर इन्दिरा बस्नेतले बताइन।
सडक बालबालिकाहरुमा बढिरहेको ग्लु र डेन्द्राइटको प्रयोगले गर्दा यिनीहरुमा स्वास्थ समस्या बढिरहेको किरात याक्थुङ चुम्लुङका प्रतिनिधि कुशल श्रेष्ठले बताउनु भयो। समाजमा बिध्यमान स्वस्थ्य समस्याहरुका बारेमा जनचेतना जगाउने हेतुले रोटारेक्ट कलब अफ धरान घोपालेे विद्यालयहरुमा नि:शुल्क प्राथमिक उपचारको ट्रेनिङ दिने , हरेक २ हप्तामा कार्यक्रम “रोटारेक्ट स्वास्थ्य दर्पन” प्रसारण , सडक नाटकहरुको आयोजना, जन चेतना फैलाउने कार्यक्रमहरु , नि:शुल्क स्वास्थ्य शिविर , आदि गर्दै आएको कुरा रोटारेक्टर शुभम अग्रवालले बताए।
