![](https://www.sawalnepal.com/wp-content/uploads/2016/10/Nepal_India-Meeting.jpg)
नयाँ दिल्ली, १९ असोज । सन १९५० को शान्ति तथा मैत्री सन्धि पुनरावलोकन गर्ने सहमतिसहित नेपाल-भारत प्रबुद्ध समूहको बैठक दिल्लीमा बुधबार सम्पन्न भएको छ ।
दुई दिनसम्म चलेको बैठकमा नेपाली पक्षले सन्धि पुनरावलोकनको प्रस्ताव राखेको थियो । नेपाली पक्षको प्रस्तावमाथि छलफलपछि आवश्यक बुँदाहरुलाई अपग्रेड गर्ने सहमति भएको बताइएको छ । सन्धिमा नेपालले असन्तुष्टि राखेका बुँदाहरुमा बैठकमा प्रारम्भिक छलफलसमेत भएको थियो । सन १९५० को सन्धि पुनरावलोकन गर्नुपर्ने आवाज नेपालमा लामो समयदेखि उठ्दै आएको छ ।
तर कुनै पनि सरकारले भारतसामु ठोस प्रस्ताव राख्न सकेका छैनन् ।