राष्ट्रिय जनता पार्टीका केन्द्रीय सदस्यहरुसहित सयौं जना मंगलबार एमाले प्रवेश गरेका छन् । नेकपा (एमाले) पोलिटब्युरो सदस्य रामप्रित पासवानले उहाँहरुलाई टीका लगाएर एमालेमा स्वागत गर्नुभयो ।
एमाले नगर कमिटि राजविराजद्वारा आयोजित पार्टी प्रवेश कार्यक्रममा राजपाका केन्द्रिय सदस्यद्वय सुरेश सिंह, लाल मोहम्मद, दलित जनजाती पार्टीकी केन्द्रिय सदस्य पारोदेवी खंग, फोरम नेपालका प्रदेश सदस्य सुखराम यादव, तत्कालिन नेपाल सदभावना पार्टीका केन्द्रिय सदस्य हेमशंकर सिंहलगायतले प्रवेश गरेका हुन् ।
त्यसैगरी नेपाली कांग्रेसका बालेश्वर मिश्र, कुन्ती मिश्र, मो. तफेजुल, माओवादी केन्द्रका हजरत अली, गंगाराम मण्डल, मालेका मुख्तार अंसारी, नेमकिपाका गणेशी साह, पूर्व सहायक वन अधिकृत विशेश्वर दास, ऐशा खातुन, बेचनी खंग, सजना चौधरी, बबीता मण्डल, बेबी कर्ण, सतिश साह, रामप्रसाद शर्मा, राजपाका ललीत मण्डल, अशोक मण्डल, मिश्रीलाल यादव, लाल मियाँ, हिरालाल मण्डल, रघुनन्दन मण्डललगायत छन् ।
नव प्रवेशीहरुलाई एमालेका पोलिटब्युरो सदस्य पासवान, केन्द्रिय सदस्य सुमनराज प्याकुरेल, जिल्ला अध्यक्ष गोविन्द न्यौपाने, पुर्व सचिव दिवाकर देवकोटा, प्रदेश सदस्य शैलेन्द्रचन्द्र झाले फुल माला, अविर लगाई स्वागत गर्नुभएको थियो ।
पार्टी प्रवेश गर्नेहरुले देश र सम्पूर्ण जनताको पक्षमा काम गर्ने र जनताको अभिमतमा विश्वास गर्ने एमालेसँग आफ्नो विचार मिलेकोले देशको विकास निर्माणमा सहयोग गर्ने उद्देश्यले पार्टी प्रवेश गरेको बताए । पार्टी प्रवेश गर्नेहरुमध्ये एमालेले सुखराम यादवलाई राजविराजको प्रमुखमा र हेमशंकर सिंहलाई तिलाठी कोइलाडीको उपाध्यक्षमा उम्मेदवार बनाएको छ ।
यसैबीच मंगलवारै राजविराजमा एमालेले नगर प्रचार प्रसार समितिको कार्यालय सञ्चालनमा ल्याएको छ । उक्त कार्यालयको पोलिटब्युरो सदस्य पासवानले उदघाटन गर्नुभयो ।
