मेष- स्वास्थ्यमा राम्रो सुधार हुनेछ । नोकरी रोजगारीमा अवसर आउनेछ । खेलकुदमा मन जानेछ । घरबाट टाढा बस्नुपर्ने एवम् आफन्तबाट छुट्टिनुपर्नेछ । यात्राको सुख मिल्ने एवम् नयाँ ठाउँमा भ्रमण हुनेछ । काममा बाधा आउने, बीचमा स्वास्थ्यले समस्या दिने एवम् आफन्तमा झमेला आइपर्नेछ । खर्च बढ्नाले आँटेको काममा ढिलासुस्ती हुनेछ ।
वृष- धार्मिक यात्रा हुनेछ । नयाँ ठाउको भ्रमणमा खर्च बढ्नेछ । अध्ययनमा सफलता मिल्नेछ । कला, संगीत एवम् आध्यात्मिक रुचि बढ्नेछ। सन्तानले सहयोग गर्ने एवम व्यापार व्यवसायमा आम्दानी राम्रो हुनेछ । स्वास्थ्यले साथ दिने तथा शत्रु बाधा हटेर जानेछ । मुद्दा मामिला एवम् वादविवादमा आफ्नो जित हुनेछ । साताको अन्त्यमा भने यात्रा गर्नुपर्ने तथा प्रियमित्रसँग भेटघाट हुनेछ ।
मिथुन- चिसोको कारणले विसञ्चाे बढ्नेछ । प्रेममा तनाव आउनेछ । पारिवारिक समस्या बल्झिनेछ । घरका सदस्यसँग कुरा नमिल्नाले आफ्नो योजना विफल हुनेछ । जग्गा जमिन एवम् साँध सिमानामा कलह हुनेछ । विद्यामा भने प्रगति एवम् काममा उत्साह बढ्नेछ । धनको सहयोग गर्ने अघि सर्ने तथा छोराछोरीबाट खुशी बढ्नेछ । व्यापारमा आम्दानी बढ्नाले ऋणको भार कम हुनेछ ।
कर्कट- नयाँ काममा जागर बढ्नेछ । लगानीमा फाइदा आउन थाल्नेछ । सानो यात्रा गर्नुपर्नेछ । दाजुभाइबाट सहयोग मिल्ने तथा बन्धुबान्धवबाट आश्वासन मिल्नेछ । जिम्मेवारी थपिने तथा नयाँ काममा आँट मिल्नेछ । साताको मध्यमा भने महिला वर्गसँग दुश्मनी एवम् परिवारमा मित्रता टुट्नेछ । साताको अन्त्यमा भने विद्याध्यनमा प्रगति एवम् कृषि तथा होटल व्यवसायबाट राम्रो आम्दानी हुनेछ ।
सिंह- बोलीबचनले साथ दिनेछ । बोलीको प्रभावमा मित्रको सहयोग मिल्नेछ । भोजनको सुख मिल्ने तथा नयाँ सरसामानको सुख मिल्नेछ । सवारी सुख बढ्ने, धनपैसाको जोहो हुने एवम् दाजुभाइबाट साथ सहयोग रहनेछ । अपरझट् नयाँ कामको लागि यात्रा गर्नुपर्नेछ । साताको अन्त्यमा भने पारिवारिक द्वन्द बढ्ने एवम् मानसिक तनाव हुने देखिन्छ ।
कन्या- मीठो खाने, घुमफिरमा रमाइलोमा खर्च हुनेछ । साथीभाइसँग नयाँ ठाउँको भ्रमण एवम् प्रेममा प्रगति हुनेछ । सम्पत्तिको कारोबार बढ्ने एवम् आर्थिक सहयोगीहरु अगाडि आउनेछन् । विद्याध्ययनमा प्रगति एवम् राजनीतिमा पहुँच बढ्नेछ । नयाँ जग्गाजमिनको खरिबबिक्री तथा कृषिबाट राम्रो आम्दानी हुनेछ । बन्धु बान्धवको सहयोगले वैदेशिक कामबाट राम्रो फाइदा मिल्नेछ ।
तुला- सवारी साधनले दु:ख दिन सक्नेछ । साथिभाइ सँगको यात्रामा खर्च हुनेछ । अनावश्यक लागत बढ्नाले खर्चको तनाव हुनेछ । स्वास्थ्यमा समस्या आउने तथा साथीभाइसँग सामान्य मनमुटाव रहनेछ । साताको मध्यमा भने मनोरञ्जनमा दिन बित्ने एवम् साथीभाइसँग भेटघाट हुनेछ । साताको अन्त्यमा भने धनको कारोबार हुने, बोलीको कारणले काम बन्ने एवम् सभा, सेमिनारमा सहभागिता भइनेछ ।
वृश्चिक- नयाँ लगानी एवम् व्यवसायमा आम्दानी राम्रो हुनेछ । कृषि खाद्यान्नबाट आम्दामी बढ्नेछ । आर्थिक सहयोग मिल्नाले आँटको काम पुरा हुनेछ । साताको मध्यमा भने स्वास्थ्यमा समस्या आउने तथा औषधी उपचारको लागि खर्च हुनेछ । सामान्य क्षति हुनसक्ने एवम् आलोचनाको भय रहनेछ । साताको अन्त्यमा भने नयाँ मित्र भेटघाट हुने, मनोरञ्जनमा खर्च हुने तथा सानो यात्राको अवसर मिल्नेछ ।
धनु- काममा प्रशंसा मिल्नेछ । कला संगीतमा रुचि बढ्ने एवम् सामाजिक काममा व्यस्तता बढ्नेछ । राजनीतिक क्षेत्रमा बलियो पकड रहनेछ । पद, प्रतिष्ठामा वृद्धि एवम् प्रसंशनीय काममा जस मिल्नेछ । आम्दानीको रफ्तार बढ्नाले धन सम्पत्तिको चिन्ता घट्नेछ । पशु चौपाया एवम् कृषिबाट आर्थिक सहयोग मिल्नेछ । साताको अन्त्यमा भने यात्रामा खर्च हुने, सामान्य चोटपटकको भय रहन्छ । आफन्तमा मनमुटाव बढ्नाले तनाव बढी हुने देखिन्छ ।
मकर- धर्म कर्ममा रुचि बढ्नेछ । टाढाका आफन्तबाट धनको सहयोग मिल्नेछ । वैदेशिक कामबाट फाइदा मिल्नेछ । ठूलावडाको साथ मिल्नाले काममा प्रगति देखिन्छ । धार्मिक एवम् सामाजिक क्षेत्रमा योगदान हुने एवम् परोपकारमा मन जानेछ । राजनीतिक क्षेत्रबाट सहयोग मिल्ने एवम् ठूलाबडाको साथ पाउनाले फाइदा आफूलाई हुनेछ । आम्दानीको स्तर बढ्ने एवम् धनसम्पत्तिको प्राप्ती देखिन्छ ।
कुम्भ- मान सम्मानमा हानी हुनेछ । जिम्मेवारीमा आलोचना हुनेछ । स्वास्थ्यमा समस्या बल्झिनेछ । पूरानो कामको समस्या आइपर्ने तथा मित्रहरुबाट धोका हुन सक्नेछ । धर्ममा रुचि बढ्ने एवम् विदेशबाट फाइदा मिल्नेछ । सन्तानको प्रगति एवम् भाग्यले साथ दिनेछ । सरकारी क्षेत्रमा फाइदा, पदप्रतिष्ठामा वृद्धि एवम् रोजगारीको राम्रो अवसर मिल्नेछ । राजनीतिमा व्यस्तता बढ्ने एवम् जिम्मेवारी थपिनेछ।
मीन- आफन्तसँग भेटघाट बढ्नेछ । नयाँ मित्रतामा खुसियाली मिल्नेछ । व्यावसायिक यात्रा हुनेछ । पारिवारिक भेटघाट एवम् नयाँ मित्रसँग नयाँ कामको थालनी हुनेछ । साताको मध्यमा भने स्वास्थ्यमा बाधा आउने, काममा रोकावट हुने तथा अपमानको भय रहन्छ । साताको अन्त्यमा भने लामो यात्रा हुने, सन्तानको सुख बढ्ने एवम् इष्टमित्रबाट राम्रो सहयोग एवम् अधुरा कार्य बन्ने देखिन्छ ।
प्रस्तुति ज्योतिष एवं वास्तुविद् सुरेन्द्र सापकोटा
सम्पर्क ९८५१०७१५७४ पशुपति जयवागेश्वरी
