योगगुरु बाबा रामदेवले शुक्रवार कोरोनाको नयाँ औषधि ल्याएका छन् ।औषधिको शुभारम्भ समारोहमा केन्द्रीय स्वास्थ्यमन्त्री डा हर्षवर्धन र केन्द्रीय मन्त्री नितिन गडकरी उपस्थित थिए । औषधिको नाम कोरोनिल नै राखिएको थियो ।रामदेवको पतञ्जलि आयुर्वेदले कोरोनिल ट्याब्लेटले कोभिडको उपचार गर्ने बताएको छ ।आयुष मन्त्रालयले कोरोनिल ट्याब्लेटलाई कोरोनाको औषधिका रूपमा स्वीकार गरेको छ । यसलाई सीओपीपी–डब्ल्यूएचओ जीएमपीले प्रमाणपत्र दिएको छ ।औषधि सार्वजनिक गर्दै रामदेवले योग आयुर्वेदलाई अनुसन्धानमा आधारित चिकित्सा पद्धतिका रूपमा अपनाइएको बताए ।रामदेवले भने, ‘मैले रोग नियन्त्रण गर्ने हैन, अन्त्य गर्ने हो भन्दा विगत तीन दशकमा ममाथि अनेकौं प्रश्न उठाइए । अहिले सबै प्रमाणपत्रका साथ हामीसँग २५० भन्दा बढी अनुसन्धान पत्र छन् । अब संसारमा कसैले पनि हामीमाथि प्रश्न उठाउन सक्दैन ।’यसअघि रामदेवले कोरोनाको औषधि ल्याउँदा उचित प्रक्रिया नअपनाई हतार गरेर ल्याएको भन्दै आलोचना भएको थियो ।

प्रतिक्रिया

सम्बन्धित खवर

ताजा समाचार

लोकप्रिय