भारतको नयाँदिल्लीमा उपचाररत जनता समाजवादी पार्टी (जसपा) अध्यक्ष तथा पूर्व प्रधानमन्त्री डा. बाबुराम भट्टराईको स्वास्थ्य परीक्षण रिपोर्ट आउन ४ दिन लाग्ने भएको छ ।चिकित्सकको परामर्श अनुसार गर्नुपर्ने वायोप्सीको रिपोर्ट आउन ४ दिन लाग्ने जसपा नेता विश्वद्विप पाण्डेले जानकारी दिए ।मंगलवारको परीक्षणपछि चिकित्सकले थप पीईटी स्क्यान र अरु परीक्षण गर्न निर्देश गरेका थिए ।पीईटी स्क्यान, वायोप्सी र अन्य परीक्षणको रिपोर्ट आएपछि डा. भट्टराईको रोगको निर्क्योल हुने र निदानबारे अन्तिम टुंगो लाग्ने जनाइएको छ ।