दाङमा लामो तथा छोटो दूरीका सार्वजनिक यातायात बन्द भएको छ । सार्वजनिक यातायात सेवाका मजदुर र बुकिङ कर्मचारीहरुले अनिश्चितकालका लागि यातायात सेवा बन्द गरेका हुन् ।उनीहरुले सहजरुपमा तलब भत्ताको ग्यारेन्टी गर्नुपर्ने, सामाजिक सुरक्षा कोष ऐन यातायात प्रालिहरुले कार्यान्वयन गर्नुपर्ने, कोरोना खोप यातायात मजदुर तथा बुकिङ कर्मचारीहरुलाई दिनुपर्ने लगायतका माग राखेर आन्दोलनमा उत्रिएका छन् ।नेपाल यातायात स्वतन्त्र मजदुर संगठन दाङ जिल्ला कमिटीका अध्यक्ष केशव भण्डारीले आफूहरूको माग पूरा नभएसम्म आन्दोलन जारी राख्ने बताए ।