स्वास्थ्य

आवश्यकताभन्दा बढी प्रोटीन पनि शरीरका लागि हानिकारक, कति हो ठिक्क ?


  काठमाडाैं   सवाल नेपाल   २०७७ चैत्र २६, १३:३४

राम्रो स्वास्थ्यका लागि पोषण भएको खानेकुरा मात्र नभई प्रोटीनको मात्रा पनि पुर्‍याउनुपर्ने हुन्छ ।

प्रोटीनले शरीरका मांसपेशी तथा कोशिकाहरूको विकास गराउँछ । तर यसलाई सन्तुलित मात्रामा लिनुपर्ने हुन्छ । धेरै प्रोटीन लिँदा शरीरलाई हानि हुन्छ र चाहिनेभन्दा कम लिँदा पनि नोक्सानी हुन्छ ।

धेरै मेहनतको काम नगर्ने मानिसले आफ्नो तौलको हिसाबमा दिनदिनै ०.७५ ग्राम प्रोटीन लिनुपर्छ ।

प्रत्येक दिन एक पुरुषले कम्तीमा ५५ ग्राम र महिलाले ४५ ग्राम प्रोटीन आफ्नो आहारमा समावेश गर्नुपर्छ ।

एक मानिसको दिनभरिमा कुल क्यालोरीको २० देखि ३५ प्रतिशत प्रोटीन हुनुपर्छ ।

वृद्धहरूलाई प्रोटीन बढी आवश्यक पर्छ । उमेर बढ्दै जाँदा मांसपेशी कमजोर हुँदै जान्छ । वृद्धहरूले शरीरको तौल अनुसार एक किलो खानामा १.२ ग्राम प्रोटीन लिनुपर्छ ।

प्रोटीनको कमीका लक्षण यस्ता हुन्छन् :

शरीरमा प्रोटीनको कमी हुँदा ऊर्जा कम भएको अनुभव हुन्छ । अनि छिटो थकाइ लागेको अनुभव हुन्छ । यसक्रममा मानिसको कपाल पनि झर्न थाल्छ । अनि नङ कमजोर हुने, तौल घट्ने, कमजोरी हुने र टाउको दुख्ने समस्या पनि देखिन्छ ।

प्रोटीनको राम्रो स्रोत मासु हो । तर तपाईं शाकाहारी हुनुहुन्छ भने गेडागुडी, ड्राई फ्रुट, सीफूड र दाल प्रशस्त खाने गर्नुस् ।

फेसबुकमा तपाईको प्रतिक्रिया

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु