यी निलो रंगका बालुवाका ढिस्काहरु मंगलमा चल्ने तिव्र गतिको हावाका कारण बन्ने गरेका छन् । करिब ३० किलोमिटरको दूरीसम्म यी ब्लु डन्स फैलिएका छन् ।यो खास तस्वीर नासाको मार्स ओडिसी अर्विटरको इन्फ्रारेड क्यामेराबाट लिइएको हो ।ओडिसी अर्विटरमा लगाइएको यस क्यामेरालाई थर्मल इमिशन इमेजिङ स्टिम भनिन्छ । नासाका अनुसार तस्वीर मंगलको सतहमा फरक–फरक रंग र तापमानलाई दर्शाउँछ ।नासाले ओडिसीमा लगाइएको इन्फ्रारेड क्यामेराका सहयोगले मंगल ग्रहमा दिउँसो र रातिको तापमान मापन गर्न सकिने बताएको छ । मंगल ग्रहमा बालुवा, चट्टान वा धुलो के छ भन्ने कुरा यही क्यामेराकै सहयोगले वैज्ञानिकहरुले पत्तो पाउँछन् ।वास्तवमा यो तस्वीर अहिलेको भने होइन । सन् २००२ र २००४ मा ओडिसीले लिएको थियो । तर, आज ओडिसी लञ्च गरेको २० वर्ष पुगेको अवसरमा नासाले उक्त तस्वीर सार्वजनिक गरेको हो ।
