भ्रष्टाचारको अन्त्य नभएसम्म देशको विकास हुननसक्ने

पूर्वप्रधानमन्त्रीसमेत रहेका संयोजक भट्टराईले आर्थिक विकास नगरी गरिबी र बेरोजगारी अन्त्य गर्न नसकिने उल्लेख गर्दै नयाँ शक्ति पार्टीले अवको दुई दशकसम्म आर्थिक समृद्धिको अभियान चलाउने बताए ।

निर्वाचन पनि एक प्रकारको युद्ध भएको बताउँदै उनले निर्वाचनको अभियानमा हिम्मतकासाथ लागिपर्न कार्यकर्तालाई निर्देशन पनि दिए ।

कार्यक्रममा नयाँशक्ति पार्टी र सङ्घीय समाजवादी फोरम नेपालबाट संयुक्तरुपमा उर्लाबारी नगरपालिकाका प्रमुख तथा उपप्रमुख पदमा उम्मेदवारी दिनुभएका क्रमशः मनोहरी दाहाल र सावित्री याक्खाले नगरको समग्र विकासका लागि आफूहरु लागि पर्ने विचार व्यक्त गरे । निर्वाचन परिचालन समितिका स्थानीय संयोजक बाङ्गाई धिमालको अध्यक्षतामा कार्यक्रम सम्पन्न भयो । रासस