दोस्रो चरणको स्थानीय तहको निर्वाचनमा सेना परिचालनका लागि राष्ट्रपति विद्यादेवी भण्डारीेले स्वीकृति प्रदान गरेकी छन् । ‘मिति २०७४ साल असार ११ गते आइतबारका दिन सम्माननीय राष्ट्रपति श्रीमति विद्यादेवी भण्डारीज्यूबाट २०७४ साल असार १४ गते हुने दोस्रो चरणको स्थानीय तहको निर्वाचन स्वतन्त्र, निष्पक्ष र भयरहीत वातावरणमा सम्पन्न गर्न स्थानीय तह निर्वाचन सुरक्षा योजना, २०७३ मा व्यवस्था भएअनुसार सुरक्षा निकायहरु एकीकृत तथा समन्वयात्मक रुपमा परिचालन गर्न नेपाली सेना परिचालनको लागि राष्ट्रिय सुरक्षा परिषदको मिति २०७४/0३/७ को सिफारिस, मन्त्रिपरिषदको निर्णय ता सम्माननीय प्रधानमन्त्रीको मिति २०७४ /३/८ को सिफारिस बमोजिम २०७४ साल असार १४ गते हुने दोस्रो चरणको स्थानीय तहको स्थानीय निर्वाचन कार्यमा नेपाली सेना परिचालन गर्न नेपालको संविधानको धारा ६६ को उपधारा (२) बमोजिम स्वीकृति प्रदान गर्नुभएको छ,” राष्ट्रपति कार्यालयका प्रवक्ता मोहनप्रसाद वाग्लेले जारी गरेको विज्ञप्तिमा उल्लेख छ ।