हरेक प्राणिकालागि पानी अत्यन्त आवश्यक छ । पानी स्वास्थ्यकालागि सबैभन्दा उपयोगी तत्व हो । यसले धेरै प्रकारका रोग लाग्नबाट जोगाउँछ ।
पानीबिना मानव जीवनको कल्पना समेत गर्न सकिँदैन । हाम्रो शरीरमा ६० प्रतिशत पानी हुन्छ । यसका साथै हाम्रो स्वास्थ्यमा पानीले निम्न लाभहरु पुर्याउँछन् ।
१. कब्जियतको सबैभन्दा उत्तम औषधि पानी नै हो ।
२. शरीरमा भएको विषालु तत्व फाल्न पनि पानी आवश्यक छ ।
३. गर्मीमा हुने ‘लू’बाट बच्न पानीको सेवन अत्यन्त आवश्यक छ ।
४. ज्वरो १०३ डिग्री कटेपछि पानीपट्टी लगाउनुपर्छ ।
५. बेहोस भएको व्यक्तिलाई पानी छम्किनुपर्छ र बेहोसीबाट उठेपछि पानी पिउन दिनुपर्छ ।
६. लामो हिँडाइपछि थकाइ लागेको छ, टाउको दुखेको छ भने पानी पिएमा लाभ मिल्दछ ।
७. मनतातो पानीमा नुन हालेर खुट्टा डुबाएर केहीबेर राख्नाले थकाइ कम हुन्छ ।
८. रुघाखोकी लागेको बेला सकेसम्म बढी मात्रामा पानी नै पिउनुपर्छ ।
९. भाइरसको रोगमा जति पानी खायो त्यति नै पिसाबको माध्यमबाट शरीरबाट निस्कन्छ ।
१०. मूत्रनलीको संक्रमणबाट बच्न महिलाले दैनिक १२ गिलास पानी पिउनुपर्छ ।
११. महिनावारीको तल्लो पेट दुखाईमा तातोपानीमा नुन राखेर खुट्टा सेके दुख्न कम हुन्छ ।
१२. आगोले पोलेको बेला प्राथमिक उपचारका रूपमा पानी अमूल्य औषधि हो ।
१३. पोलेको भाग चिसो पानीमा भिजाएर राख्दा दुखाइ र छालामा समस्या पनि कम हुन्छ ।
१४. रुघाखोकी लागेर नाक बन्द भएमा तातोपानीको बाफ लिदाँ बन्द नाक खुल्दछ ।
१५. दैनिक ‘जलनेती’ गरे घाँटीमा बारम्बार हुने दुखाइको समस्यालाई कम गर्न सकिन्छ ।
