चट्याङबाट कसरी बच्ने ?

केही दिनदेखि विभिन्न ठाउँमा वर्षासँगै चट्याङ परिरहेको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार पछिल्लो २४ घण्टामा दाङ, जुम्ला, सोलुखुम्बु, बर्दिया र डडेलधुरामा गरी चट्याङ लागेर ६ जना घाइते भएका छन्।

चट्याङका कारण भेडाबाख्रा जस्ता चौपाया पनि मर्न थालेका छन्। चट्याङ लागेपछि कतिपय सर्वसाधारण डरले आत्तिने गर्छन्। प्राधिकरणका अनुसार चट्याङ लाग्दा यी सुरक्षित उपाय अपनाउन सकिन्छ।

जस्तै :

-सकेसम्म घरभित्रै बस्ने

-बाहिर हुँदा बिजुली चम्केका वेला वा पानी परेका वेला रूखमुनि ओत नलाग्ने

-बिजुलीको खम्बामुनि नबस्ने

-छाता नओढ्ने

-खेतबारीमा काम नगर्ने

-पौडी नखेल्ने

-डुंगा नचलाउने

-सवारीसाधनमा भए भित्रै बस्ने

-चट्याङ पर्दा सुरक्षित ठाउँ नपाए दुबै हात टाउकोमाथि राखी निहुरिएर टाउकोलाई घुँडा बीचमा राख्ने।