नेपालको संविधान अनुसार सरकारले नयाँ मर्यादा क्रम सार्वजनिक गरेको छ । नेपाल सरकार गृह मन्त्रालयले जेठ २४ गते जारी गरेको सुचनाका आधारमा नयाँ मर्यादा क्रम अनुसार संविधानले शक्तिशाली बनाएको स्थानीय तह र त्यसको पनि सबैभन्दा ठूलो श्रेणी महानगरपालिकाका जननिर्वाचित प्रमुख राष्ट्रिय मर्यादा क्रममा १८ औं नम्बरमा छ ।

तर पदका क्रममा भने महानगरको प्रमुख भन्दा अगाडी ५० वटा पद रहेको छ । त्यस्तै, नगरपालिका र उपमहानगरपालिका प्रमुखहरु १९ औं नम्बरमा पर्दछन् । उनीहरुसँगै नेपाल सरकारका सहसचिवहरु समेत रहने पनि मन्त्रालयले जनाएको छ । तर गाउँपालिकाका अध्यक्षहरु २५ औं नम्बरको मर्यादा क्रममा पर्दछन् ।

मर्यादा क्रमको पहिलोमा राष्ट्रपति रहने छन भने दोस्रो, तेस्रो, चौथो र पाँचौं पदमा क्रमशः उपराष्ट्रपति, प्रधानमन्त्री, प्रधानन्यायाधीस र सभामुख रहने व्यवस्था गरिएको छ ।

पूर्वराष्ट्रपति र उपप्रधानमन्त्री छैटौं मर्यादाक्रममा रहन्छन् भने उनीहरु पछि मन्त्री, व्यवस्थापिका संसद्को विपक्षी दलका नेता, पूर्व राष्ट्रपति, पूर्व प्रधानमन्त्री, पूर्व प्रधानन्यायाधीस, व्यवस्थापिका संसद्का उपसभामुख र पूर्व सभामुख सातौं नम्बरको मर्यादा क्रममा रहन्छन् ।

मर्यादा क्रमको सुची तल हेर्नुहोस ।