राप्रपाको तर्फबाट इटहरी उपमहानगरपालिकाका मेयर उम्मेदवार रोहित कार्कीले पार्टी परित्याग गरेका छन् । उनले खनारमा कार्यकर्ता भेला गरेर पार्टी छाडेको घोषणा गरेका हुन् । उनले आफू अन्य कुनै पनि पार्टीमा नजाने र तटस्थ बस्ने बताएका हुन् । सोमबार नै उनले उक्त घोषणा गरेपनि मंगलबार रातीसम्म राजिनामा पत्र भने बुझाएका छैनन् । एक–दुई दिनमा पार्टीको जिल्ला कमिटिको बैठकमा उनले राजिनामा पत्र बुझाउने अनुमान गरिएको छ । यो विषयमा उनको प्रतिक्रिया लिन फोन गर्दा फोन उठेन । चुनावमा जमानत नै जफत भएपछि नैतिकताका आधारमा पार्टी छाडेको हुन सक्ने बताइएको छ । तर उनी चुनावमा पार्टीको नगर समितिले खेलेको भूमिकाप्रति पनि असन्तुष्ट थिए । उनले चुनाव प्रचारप्रसारमा आवश्यक सहयोग नपाएको गुनासो गरेका थिए । राप्रपाको राम्रो आधार इलाका मानिएको इटहरीमा कार्की मेयरमा उठेका थिए । पराजित नै भएपनि उनले सम्मानजनक मत पनि ल्याउन सकेनन् । इटहरीमा एमालेका द्वारिकलाल चौधरी २२६८९ मत ल्याएर विजयी हुँदै गर्दा कार्कीले ३७१५ मत मात्र ल्याउन सकेका थिए । अघिल्लो संविधानसभाको निर्वाचनमा राप्रपाले इटहरीमा दोस्रो ठूलो मत ल्याएको थियो । राप्रपाले यो चुनावमा १० हजार मत ल्याउने अनुमान पार्टी पंक्तिले गरेको थियो । न्यूज लय बाट
इटहरीमा राप्रपाका मेयर उम्मेदवारद्वारा पार्टी परित्याग
सवाल नेपालसंवाददाताबुधबार, २७ असार २०७४

इटहरीमा राप्रपाका मेयर उम्मेदवारद्वारा पार्टी परित्याग
यो समाचार शेयर गर्नुहोस्:

« यो पनि पढ्नुहोस्
पहिरोले घर पुरिँदा एक जनाको मृत्यु

यो पनि पढ्नुहोस् »
नयाँ आर्थिक वर्ष शुरु : शिक्षा, स्वास्थ्य र बिजुलीमा पनि थप करको व्यवस्था लागू
प्रतिक्रियाहरू0
अहिलेसम्म कुनै प्रतिक्रिया छैन। आफ्नो विचार व्यक्त गर्ने पहिलो बन्नुहोस्!
आफ्नो प्रतिक्रिया लेख्नुहोस्
तपाईंको इमेल ठेगाना सार्वजनिक गरिने छैन। आवश्यक फिल्डहरू * चिन्ह लगाइएका छन्।
सम्बन्धित खबर

पहिरोले घर पुरिँदा एक जनाको मृत्यु
शनिबार, १० असोज २०८३
नयाँ आर्थिक वर्ष शुरु : शिक्षा, स्वास्थ्य र बिजुलीमा पनि थप करको व्यवस्था लागू
शुक्रबार, १ साउन २०८३
रोजगारमुखी शिक्षातर्फ विद्यार्थीको रोजाइः दमक आदर्श बोर्डिङ्ग स्कूलमा बढ्दो आकर्षण
बुधबार, १३ जेठ २०८३
बक्राहा खोलामा महिला मृत फेला प्रकरण : मृतकका श्रीमान पक्राउ
बुधबार, १३ जेठ २०८३
कोशी प्रदेशका ४ सहित ११ वटा निर्माण कम्पनी कालो सूचीमा
बुधबार, १३ जेठ २०८३



