मिलेनियम च्यालेन्ज कर्पोरेसन (एमसीसी) को विरोधमा उत्रिएका नेकपा (क्रान्तिकारी माओवादी) र नेत्र विक्रमचन्द नेतृत्वको नेपाल कम्युनिस्ट पार्टी (नेकपा) लगायत पार्टीहरुले मंगलबार संघीय संसद् भवन अगाडि प्रदर्शन गरेका छन् । प्रदर्शनका क्रममा ब्यारिकेडलाई तोड्दै निषेधित क्षेत्रमा प्रवेश गरेपछि प्रहरी र प्रदर्शनकारीबीच झडप भएको छ । झडपमा केही कार्यकर्ता घाइते पनि भएका छन् । महानगरी प्रहरी कार्यालय एसपी सुशीलसिंह राठौरका अनुसार प्रदर्शनमा उत्रिएका १५ जनालाई पक्राउ गरी महानगरीय प्रहरी वृत बानेश्वरमा राखिएको छ ।