भक्तपुर – भक्तपुर मध्यपुरथिमि नगरपालिका–४ चारदोबाटोमा गएराति कार दुर्घटना हुँदा एक जनाकाे ज्यान गएकाे छ । दुई जना घाइते भएका छन् ।

भक्तपुरबाट काठमाण्डाै जाँदै गरेकाे वाग्मती ४ च.५७६ नम्बरको कारले डिभाइडरमा ठाेक्किएर अर्काे बस र ट्याक्सीलाई ठक्कर दिँदा दुर्घटना भएकाे प्रहरीले जनाएकाे छ ।

दुर्घटनामा कारमा रहेका धनुषा जनकपुर उपमहानगरपालिका-१५ घर भइ काठमाण्डाै शान्तिनगर बस्दै आएका अभिषेक साहकाे ज्यान गएकाे महानगरीय प्रहरी परिसर भक्तपुरका प्रहरी नायब उपरीक्षक राजु पाण्डेले जानकारी दिनुभयो । उहाँकाे उपचारका क्रममा नागरिक अस्पताल गठ्ठाघरमा ज्यान गएकाे हाे ।

गम्भीर घाइते भएका कार चालक सिन्धुली कमलामाई नगरपालिका–१२ का २५ वर्षीय सविन घिसिङको मध्यपुर अस्पतालमा उपचार भइरहेकाे छ । अर्का घाइते ट्याक्सी चालक रामेछाप मन्थली नगरपालिका–१२ घर भइ ललितपुर टीकाथली बस्ने ३२ वर्षीय भीमसेन खत्री भने गएराति उपचार पछि घर फर्किनुभएकाे प्रहरीले जनाएकाे छ।