उदयपुरको त्रियुगा नगरपालिका-१३ बेहर्डवास्थित ६६ वर्षीया सुखरीदेवी चौधरीको हत्या भएको छ ।

घरमा कोही नभएको मौका छोपी गरगहना लुटपाट गरेर उनकाे गएराति हत्या भएकाे प्रहरीकाे प्रारम्भिक अनुसन्धानले देखाएकाे छ ।

मृतक चौधरीलाई उनकै घरमा ओछ्यानमा हत्या गरी छाडेको पाइएकाे श्रीमान बच्चुलाल चौधरीले बताउनु भयो । घरमा उनलाई मात्र छाडेर अन्य सदस्य बाहिर गएको मौकामा हत्या गरेको हुनसक्ने बताइएको छ ।

श्रीमतीलाई घरमा छाडेर गाईघाट बजार गएका बच्चुलाल घर फर्किदा सुखरीदेव मृत अवस्था फेला पारेको उहाँले बताउनु भयो । दिउँसो गाउँमा भारतीय मुलको दुई जना कालो कपडा लगाउने अघोरी बाबा आएको स्थानीयबासीले बताएका छन् ।

घटना स्थलमा मृतकले लगाएको नाक, कानको गहना लुटपाटको अवस्थामा फेला पारेको थियो । मृतक चौधरीको शव राति नै प्रहरीले पोष्टमार्टमका लागि जिल्ला अस्पताल गाईघाट लगेकाे छ ।

घटनाबारे अनुसन्धान भइरहेकाे जिल्ला प्रहरी कार्यालय उदयपुरले जनाएको छ ।

नवलपुर : पूर्वी नवलपरासीको नारायणी नदीमा माछा मार्न गएका श्रीमान श्रीमती मध्ये श्रीमती नारायणी नदीमा डुवेर निधन भएको छ ।

आइतवारराति मध्यविन्दु नगरपालिका २ नन्दपुर स्थित नारायणी नदीमा माछा मार्न गएका नन्दपुरका ४५ बर्षीया फुलमाया बोटेको माछा मार्ने क्रममा नारायणी नदीमा डुवेर निधन भएको हो ।

प्रहरी चौकी कोल्हुवाका अनुसार गएराति श्रीमान सुकबहादुर बोटे र श्रीमती फुलमाया बोटे नारायणी नदीमा माछा मार्न गएका थिए ।

माछा मार्न भनी गएकोमा फूलमाया बोटे नारायणी नदिमा आइतवारराति वेपत्ता भएकी थिइन् । त्यस्पछि खोजी गर्ने क्रममा सोमवार घटना स्थलदेखि ५ सय मिटर तल शव फेला परेको थियो ।

नवलपुरमा नारायणी नदी किनार बसोबास गर्ने माझी, मुसहर, बोटे समुदाय साँझ विहानको छाक टार्नकै लागि नारायणी नदीमा माछा मार्न जाने गर्दछन् ।

उनीहरुलाई कहिले बाघ, कहिले गैडाको सिकार हुन्छन त कहिले नारायणी नदीमा डुबेर ज्यान गुमाउन पुग्दछन् ।

नारायणी नदीमा माछा मार्नका लागि उनीहरुसँग लाइसेन्स भए पनि निकुञ्जले जाल खोसी दिने, मानिसलाई नियन्त्रणमा लिएर मुद्दा लगाउने आदि गरेका कारण रातको समयमा नारायणी नदीमा माछा मार्न जाने गर्दछन् ।

 

रातभर माछा मारेर विहान बजार वा नजिकको होटेलमा लगेर बेची आफ्नो जीवन गुजारा गर्दछन् ।

प्रतिक्रिया

सम्बन्धित खवर

ताजा समाचार

लोकप्रिय