बिज्ञान/प्रविधि

एलन मस्कको ट्विटरमा के–के फेरिन सक्छ ?


  काठमाडौं   सवाल नेपाल   २०७९ बैशाख १९, सोमबार १०:५०

यदि एलन मस्क र ट्विटर बीचको प्रस्तावित ४४ अर्ब डलरको सम्झौता पूरा भयो भने, मस्कसँग ट्विटरलाई रूपान्तरण गर्ने आफ्नै योजना छ ।

यो योजना के हो, यस बारे ठोस् जानकारी त छैन, तर यो निश्चित छ कि एलन मस्कको ट्विटर आगामी दिनमा कस्तो हुनेछ र यसमा सम्भावित परिवर्तनहरू के हुनेछन् भन्ने बारे एउटा अनुमान चाहिँ छ ।

यहाँ केहि यस्ता चीजहरू छन् जुन मस्कको आगमनसँगै परिवर्तन हुने विश्वास गरिन्छ ।

फ्रि स्पिच टाउन स्क्वायर

एलन मस्कले आफ्नो पुरानो र नयाँ ट्वीटहरूमा धेरै पटक स्वतन्त्र अभिव्यक्ति बारे दोहोर्याउँदै आएका छन् । यो उनको सबैभन्दा महत्त्वपूर्ण प्राथमिकता मध्ये एक हुने विश्वास छ ।

प्रत्येक देशको कानून अन्तर्गत सम्भव भएसम्म धेरै स्वतन्त्र अभिव्यक्तिको लागि अनुमति दिने संसारभरि अर्थपूर्ण बहस सु? गर्न ट्विटरलाई ‘राजनीतिक रूपमा निष्पक्ष’ डिजिटल टाउन स्क्वायर उनी बनाउन चाहन्छन् ।

ओपन सोर्स एल्गोरिदम

मस्कको एआई अर्थात् आर्टिफिसियल इन्टेलिजेन्समा लामो समयदेखि ?चि छ, एल्गोरिदम पनि यस सम्झौतामा ठूलो मुद्दा बनेको छ । उनी जनतामा विश्वास निर्माण गर्न एल्गोरिदमहरूलाई ओपन सोर्स राख्न चाहन्छन् ।

उनले ती प्रणाली बारे कुरा गरिरहेका छन् जसले प्रयोगकर्ताहरूको फिडहरूमा के देखाउने भनेर निर्धारण गर्न सामग्रीको श्रेणी निर्धारण गर्नेछ ।

उनी एउटा यस्तो ट्वीटर बनाउन चाहन्छन् जसमा मोडरेशन कमभन्दा कम होस् ।

स्प्याम बटलाई हटाउने :

‘स्प्याम बटहरू’ मस्कको लागि व्यक्तिगत समस्या भएको छ, धेरै ट्विटर खाताहरूले मस्कको तस्बिर र नाम प्रयोग गरेर क्रिप्टोको घोटालालाई मस्कको नाममा प्रवद्र्धन गर्न प्रयोग गरेका थिए । मस्कको आगमनसँगै, ट्विटरमा त्यस्ता बटहरूमा पनि कारबाही हुने अपेक्षा गरिएको छ ।

प्रत्येक व्यक्तिको पहिचान

मस्कले बारम्बार भनेका छन् कि उनी ट्विटरले ‘सबै प्रयोगकर्ताहरू, मानवहरू’ प्रमाणीकरण गरोस् भन्ने चाहन्छन् । यो स्प्याम खाताहरूबाट छुटकारा पाउने उनको चाहनासँग पनि जोडिएको विश्वास गरिन्छ ।

मानिसहरूको पहिचानको गति बढाउने उनको प्राथमिकता हो र यसका लागि टु फ्याक्टर अथेन्टिकेशन प्रणाली प्रयोग गर्न सकिने सम्भावना छ ।

फेसबुकमा तपाईको प्रतिक्रिया

थप समाचार