जेठ १४ गते राती आफैंले मतपत्र च्यातेर घटनास्थलबाटै पक्राउ परेका कांग्रेस माओवादी गठबन्धनले भरतपुर १९ को पुन मतदानमा जारी गरेको संयुक्त अपिलमा एमालेले मतपत्र च्यातेको दोष लगाएका छन् । माओवादी–कांग्रेसका संयुक्त उम्मेदवार रेणु दाहालका प्रतिनिधि तथा अभियुक्त मधु न्यौपाने र द्रोण सिवाकोटी सहितको टोलीले वितरण गरेको संयुक्त अपिलमा एमालेले बारम्बार तनाव दिएकाले मतपत्र च्यातिएको उल्लेख गरिएको छ । चक्रपथले लेखेको छ
अभियुक्त न्यौपाने र सिवाकोटी पुन निर्वाचन गराउन आफूले मतपत्र च्यातेको र त्यसलाई निर्वाचन आयोग र सर्वाेच्च अदालतले पनि जयज ठहर गरेको भन्दै रेणुको चुनाव प्रचारमा सक्रिय भएका छन् । ‘मतपत्र च्यातेर पुन मतदान गर्ने हाम्रो अडान सही सावित भएको छ, सर्वाेच्च अदालतले जनताको सम्मान गरेको छ’ चुनाव प्रचारका क्रममा भरतपुर १९ मा सक्रिय न्यौपाने र सिवाकोटीले भन्नुभयो, ‘अव चाहिँ जित्न पुग्नेगरी मत दिए मतपत्र च्यातिंदैन ।’
मतपत्र च्यातेवापत प्रहरीले घटनास्थलबाटै पक्राउ गरी कानुनी कारवाही चलाएका अभियुक्तसँगै हिंड्नु भएकी माओवादी मेयर उम्मेदवार रेणुले भने एमालेले तनाव दिएकाले मतपत्र च्यातिएको वताउने गर्नुभएको छ । मतदाताले किन मतपत्र च्यात्नु भयो भन्ने प्रश्न चुनाव प्रचारका क्रममा रेणुलाई वर्षाउने गरेका छन् । ‘बैशाख २९ गते दिएको हाम्रो भोट च्यातेर फेरि किन भोट माग्न आउनुभयो ?’ मतदाताको प्रश्न छ ।
