काठमाडौं । आज देशका अधिकांश भागमा सामान्य र केही भागमा मध्यम बदली हुने जल तथा माैसम पूर्वानुमान महाशाखाले जनाएकाे छ।
महाशाखाका अनुसार प्रदेश १, बागमती, लुम्बिनी र सुदूरपश्चिमका केही स्थानमा वर्षा हुने सम्भावना छ । बाँकी प्रदेशका थोरै स्थानमा पनि वर्षा हुने देखिएको छ ।
लुम्बिनीका एक/दुई स्थानमा मुसलधारे वर्षाको आँकलन गरिएको छ ।
राति लुम्बिनी लगायत देशका पहाडी भूभागका थोरै स्थान र बाँकी भूभागका एक/दुई स्थानमा वर्षाको सम्भावना रहेको छ ।
शुक्रवार लुम्बिनी र सुदूरपश्चिमका एक/दुई स्थानमा मुसलधारे वर्षाको सम्भावना रहेको महाशाखाले जनाएको छ ।
प्रतिक्रिया
सम्बन्धित खवर
