बाराको जीतपुरसिमरा उपमहानगरपालिका-७ जीतपुरस्थित सिटी मार्केटमा आगलागी भएको छ उक्त आगलागीबाट ६ वटा पसल पूर्णरुपमा जलेर नष्ट भएका छन् भने लाखौंको क्षति भएको अनुमान छ ।
कपडा पसलबाट आगलागी सुरु भएको प्रत्यक्षदर्शी बताउछन, उक्त पसल अनिल साहले संचालन गरेका थिए भने आगो लाग्नुको कारण बारे अनुसन्धान भइरहेको प्रहरीले जनाएको छ ।

समयमै आगो नियन्त्रणमा लिएकोले थप क्षति हुन नपाएको प्रहरीले जनाएको छ, बिहान ७:३० बजे लागेको आगो ९ बजे नियन्त्रणमा आएको थियो जसको निम्ति जीतपुरसिमरा उपमहानगरपालिका, वीरगञ्ज महानगरपालिका र नेपाल आयल निगम गरी ३ वटा बारूणयन्त्र, सुरक्षा निकाय र स्थानीय बासिन्दाको प्रयासमा आगोलाई नियन्त्रणमा लिइएको थियो।