प्रदेश नामांकनको बिरुद्धमा बिराटनगरमा भएको आन्दोलनका क्रममा प्रहरीको लाठीचार्जबाट घाइते भएका पदम लिम्बूको मृत्यु भएपछी पहिचानवादी संघर्ष समितिले थप आन्दोलनको कार्यक्रम घोषणा गरेको छ ।
प्रदेश नं. १ पुनः नामाङ्कन संयुक्त संघर्ष समितिको आज बसेको आपतकालीन बैठकबाट प्रदेशको नाम कोशी खारेज गरी पुनः नामङ्कनको माग सम्बोधन नगरुञ्जेल र आन्दोलनकारी योद्धा पदम लिम्बू (लाजेहाङ) लाई राज्यले सहिद घोषणा गरी क्षतिपूर्ति नदिएसम्म मृतकको शव जिम्मा नलिने अडान राख्दै आज बेलुका ५ बजेदेखि ६ बजेसम्म प्रदेशका सबै जिल्ला र काठमाडौंमा विरोधसभा गर्ने, चैत ११ गते दिउँसो १ बजेदेखि २ बजेसम्म प्रदेशको १४ वटै जिल्लामा चक्काजाम गर्ने लगायत आन्दोलनका कार्यक्रमहरु सार्वजनिक गरेका हुन ।
