हाम्रो संगठन अखिल(क्रान्तिकारी)को एकताको २१ औं राष्ट्रिय सम्मेलन यहि भाद्र ७ देखि ११ गतेसम्म काठमाडौंमा हुंदैछ। मिति तय भएको छोटो समयको अन्तरालमा हुन लागेकाले तयारी तिब्र गतिमा भइरहेको छ।प्रचारप्रसारको काम घनिभुत रुपमा अघि वढेको छ। प्रतिवेदन लेखन अन्तिम चरणमा पुगेको छ।ब्यवस्थापनमा पनि साथीहरू खटिरहनुभएको छ । आउंदो श्रावण २८ गते देशैभरका सवै जिल्लामा एकदिन सवै प्रनिनिधि छानिनेछन्।

त्यसका लागि प्रत्येक जिल्लामा केन्द्रीय प्रतिनिधि तोकिएको छ।सम्मेलनमा आयोजक र प्रतिनिधि गरेर कुल २०७६ ले भाग लिनेछन्।\

विगतमा स्ववियु निर्वाचन र स्थानीय तहको निर्वाचनको कारण हाम्रो सम्मेलन स्थगित भएकै हो ।तर अहिले त्यो अवस्था छैन। जहांसम्म मिति घोषणा गरेको एक महिना भित्र तयारी अपुग हुने कोणवाट तंपाईले भन्नुभएको हो भने अब सम्मेलन कुनै हालतमा रोकिन्न। खासगरी हामीले सम्मेलन पहिल्यै गरिसक्नुपर्ने थियोे । स्थानीय तहको निर्वाचन वैशाख ३१ मा सकिएपछि तत्काल सम्मेलन गर्ने निधो गरेका थियौं ।

तर निर्वाचन तीन चरणमा हुने भएपछि त्यसले हामीलाई प्रभावित गर्यो। फेरि तेस्रो चरणको चुनाव अघि नै जसरी पनि सम्मेलन गर्ने पर्ने भयो ।त्यसो नगर्ने हो भने दशै,तिहार,प्रदेश र केन्द्रको निर्वाचनले निकै पर धकेलिने भएपछि दुई नं. प्रदेशको निर्वाचन अगावै फास्ट ट्रयाकवाट सम्मेलन गर्ने वाध्यतामा हामी पुगेका हौं।यो अब कुनै हालतमा रोकिन्न।

यसपटक त्यो स्थिति छैन। त्यतिबेला चुनावको जाने कुरामा पार्टी र विद्यार्थी संगठनमा एकमत थिएन।तर अहिले सवै पाटा पक्षको पुर्ण सहमति छ। पार्टीका सवै नेताहरु पनि अब चुनावको विकल्प छैन भन्ने ठाउँमा पुग्नुभएको छ।सवै विद्यार्थी नेताहरु पनि चुनाव निर्विकल्प भन्नेमा पुगेको अवस्था छ।चुनावको लागि संगठनका पुर्व अध्यक्ष रमेश मल्लको नेतृत्वमा निर्वाचन समिति पनि वनिसकेको छ। त्यसैले अब चुनाव हुनेमा कुनै द्विविधा छैन।

वाहिरवाट विद्यार्थी आन्दोलनलाई यदाकदा त्यो आरोप लाग्ने गरेको छ।कहिलेकाहीँ त्यस्तो देखिने पनि गर्छ।तर नेपालको विद्यार्थी आन्दोलनको मुल चरित्र त्यो हैन।नेपालीको विद्यार्थी आन्दोलनले आफू अघि अघि लागेर दलहरुलाई पछि पछि लगाएको पनि प्रसस्तै उदाहरण छ।विद्यार्थी नेता र विद्यार्थी आन्दोलन अकर्मण्यतामा फसेको वेला त्यस्तो देखिन्छ ।विद्यार्थी आन्दोलनलाई परिवर्तित सन्दर्भमा सृजनशील र रचनाम्मक वनाउनु जरुरी छ। पंचायत कालमा दल प्रतिवन्धित हुंदा दलको भाषा विद्यार्थी संगठनहरुले वोल्दथे।जनयुद्ध कालमा पनि पार्टीलाई प्रतिवन्धित गरिएको वेला विद्यार्थी संगठनले महत्त्वपूर्ण भुमिका खेलेकै हो।तर आजको सन्दर्भमा विद्यार्थी आन्दोलनले कम राजनीतिक र वढि शैक्षिक आन्दोलनमा केन्द्रित हुन जरुरी छ।

‘राष्ट्रिय एकता र समाजवादी शिक्षाका लागि हाम्रो अभियान,सुदृढ संगठनका लागि एकताको २१ औं राष्ट्रिय सम्मेलन’ भन्ने मुल नाराका साथ हामी सम्मेलनमा होमिएका छौं । नेपालका सवै आन्तरिक राष्ट्रियताहरुलाई एकीकृत गरेर राष्ट्रिय एकतालाई बलियो वनाउंदै संविधान कार्यान्वयन र राष्ट्रिय एकता को अभियानमा हामी जुट्नेछौं। त्यसैगरी समाजवादी शिक्षाका आधारहरु निर्माण गर्दै आत्मनिर्भर,ब्यवसायिक,रोजगारमुलक र देशभक्तिपुर्ण शिक्षा प्रणालीको पक्षमा हामी जुट्नेछौं। हामीले लडेर संविधानमा शिक्षा,स्वास्थ्य र रोजगारलाई नागरिकको मौलिक हक वनाएका छौं ।अब यसलाई ब्यवहारमा कार्यान्वयन गराउन हाम्रो संघर्ष केन्द्रित हुनेछ। यी लगायतका विषयमा हामी एउटा विहङ्गम वहस संचालन गर्छौं।

निश्चित रुपमा सम्मेलन भन्ने वित्तिकै विद्यार्थी आन्दोलनको भावी कार्यदिशा तय गर्ने र त्यसलाई कार्यान्वयन गर्न नयाँ नेतृत्व चयन गर्ने कुरा हो। मैले लामो समय विद्यार्थी आन्दोलनमा योगदान गरेका हिसाबले थुप्रै साथीहरूले अध्यक्ष उठ्न आग्रह गरिरहनुभएको छ।