दमक नगरपालिकाले १० वडाका लागि कुल १६ करोड सहितको बजेट असार ९ गते सार्वजनिक गर्ने भएको छ ।

आगामी आर्थिक वर्ष २०८१/८२ का लागि सदाका वर्ष झैं जनसंख्यालाई ४५ प्रतिशत, क्षेत्रफललाई ३५ प्रतिशत, गरिबीलाई १० प्रतिशत र वडागत आम्दानीलाई १० प्रतिशतका दरले वडागड बजेट सिलिङ निर्धारण गरिएको छ । ती मापदण्डका आधारमा सबैभन्दा बढी क्षेत्रफल समेत रहेको वडा नम्बर ३ लाई सबैभन्दा बढी २ करोड ९ लाख ९४ हजार २५५ रुपैयाँको सिलिङ प्रदान भएको छ । दोस्रो बढीमा वडा नम्बर ९ लाई १ करोड ८२ लाख ४९ हजार ४१३ र तेस्रोमा वडा नम्बर २ लाई १ करोड ८० लाख ७६ हजार ६६ रुपैयाँ विनियोजनको खाका बनेको छ । सबैभन्दा कम वडा नम्बर ६ लाई १ करोड २१ लख ४१ हजार ९७१ रुपैयाँको सिलिङ तय भएको दमक नगर उपप्रमुख एवं बजेट योजना तर्जुमा समिति संयोजक रेगिना भट्टराई प्रसाईंले बताइन् । त्यसमध्येबाट वडागत बजेटमा पनि पूर्वाधारमा सबैभन्दा बढी ६० प्रतिशत छुट्याइएको छ । त्यसपछि सामाजिक विकास, स्वास्थ्य तथा शैक्षिक सुधारमा २० प्रतिशत, आर्थिक विकासमा १० प्रतिशत, मर्मत संभार र वातावरण तथा विपद् व्यवस्थापनमा ५५ प्रतिशत बजेट खर्च गर्नुपर्नै प्रावधान बनाइएको प्रसाईंले उल्लेख गरिन् ।
बजेटका बारेमा छलफल नै जारी रहेका आकार निश्चित भइनसकेको बुझिएको छ । चालु आर्थिक वर्षमा १ अर्ब ४९ करोड १२ लाख ३९ हजार रुपैयाँको बजेट बिनियोजन गरिएको थियो । आर्थिक वर्ष ०७९/८० मा १ अर्ब ४६ करोड २४ लाख ८३ हजार ७३१ रुपैयाँको बजेट प्रस्तुत भएको थियो ।

प्रतिक्रिया

सम्बन्धित खवर

ताजा समाचार

लोकप्रिय