केरखा । गत हप्ता परेको अविरल वर्षासँगै आएको बाढीले विस्थापित कमल गाउँपालिकाका स्थानीयलाई विभिन्न संघसस्थाले राहत वितरण गरिरहेका छन् ।
यसरी राहत वितरण गर्ने क्रममा शुक्रबार समावेसी महिला शसक्ति करण केन्द्र र सिंहदेवी देवालयले कमल गाउँपालिका वडा नम्बर १ र २ मा रहेका विस्थापित परिवारलाई राहत वितरण गरेको हो ।
वितरण गरिएको राहत चामल, चिउरा, नुन, दाल, तेल, भुजिया, तरकारीलगायतका समाग्री वितरण गरिएको देवालयका अध्यक्ष ज्ञानेन्द्र राईले जानकारी दिए ।
बाढीले विस्थापित परिवारलाई विभिन्न संघसंस्था स्थानीयबासीको सहयोगमा राहत स्वरुप खाद्यसामग्री वितरण गरेपनी औषधि अभावले कतिपय विस्थापित परिवार बिरामी हुन थालेको पीडीत सुष्मा राइ बताईन् ।
कमल गाउँपालिकाका विभिन्न सामुदायीक विद्यालयमा आश्रय लिएर बसेका विस्थापितहरु भन्छन्, ‘हामी रहरले यहाँ बसेका होइनौं र हामिलाई राहत भन्दापनि स्थायी रुपमा बसोबासको व्यवस्था मिलाइदिनु पर्यो ।’
