बिष्णुप्रसाद पोखरेल
दमक÷नेकपा एमालेका अध्यक्ष एवं पूर्व प्रधानमन्त्री केपी शर्मा ओलीको घरको गेटमा रहेको बम नेपाली सेनाको २१ नम्बर बाहिनीको बम डिस्पोजल टोलीलेले डिस्पोज गरेको छ । बिहान ४ बजे गेटमा नै एउटा बम आफै पडकेको थियो भने अर्को बम नेपाली सेनाको टोलीले डिस्पोज गरेको हो ।
बिहान ४ बजेर ६ मिनेटमा आवाज आएपछि हेर्दा गेटमा धूवाँ देखिएको दमक नगरपालिकाका नगर प्रमुख रोमनाथ ओलीले बताए । ओली घरमा नै रहेका थिए । तत्काल प्रहरी टोली घटनास्थल पुगेको थियो । अर्को बम पनि देखेपछि नेपाली सेनालाइ खबर गरिएको प्रहरीको भनाइ रहेको छ ।
कोकको बोतलमा डेटोनेटर सहितको बिस्फोटक पदार्थ रहेको पाईएको इलाका प्रहरी कार्यालय दमकका प्रमुख दिपक गिरीले बताएकाछन् । ७ बजेर २२ मिनेटमा बम डिस्पोज गराईएको हो ।