एमाले अध्यक्ष केपी शर्मा ओलीले प्रदेश प्रमुख र राजधानी छनोटमा आफ्नो पार्टीको सहमति नभएको बताएका छन्। प्रमुख र राजधानी तोक्दा सत्तारुढ दलले आफ्नो स्वार्थ हेरेको आरोप उनले लगाए।
थाइल्याण्डमा स्वास्थ्य परीक्षण गरी बिहीबार स्वदेश फर्किएका ओलीले त्रिभुवन अन्तर्राष्ट्रिय विमानस्थलमा सञ्चारकर्मीसंग कुरा गर्दै यस्तो बताएका हुन्।
‘ढीला गरी प्रदेश प्रमुख र राजधानी तोकियो, त्यसमाथि देशको भन्दा आफ्नो स्वार्थ हेर्न खोजियो’, उनले भने।
ओलीले संविधानको अपव्याख्या गर्दै नेपाली कांग्रेसले सत्ता हस्तान्तरण गर्न ढिलाइ गरिरहेको भन्दै असन्तुष्टि समेत व्यक्त गरे।
-नेपाल खबर बाट
प्रतिक्रिया
सम्बन्धित खवर
