दमक,१९ मंसीर÷ दमक–१ स्थित चुलाचुली अंग्रेजी सेकेण्डरी बोर्डिङ स्कुलमा आज अन्तरसदनात्मक बास्केटबल प्रतियोगिता आयोजना गरिएको छ । स्कुलको प्राङगणमा सम्पन्न प्रतियोगितामा छात्र–छात्रावीच बास्केटबल प्रतियोगिता सम्पन्न भएको थियो । प्रतियोगितामा छात्रा तर्फ रोजिना घिमीरे सदन र छात्र तर्फ नितेश अग्रवालको सदन विजयी भएको थियो । छात्रा तर्फ रोजना सदनले प्रिजा राई सदनलाई हराएको थियो । सो खेलमा उत्कृष्ठ खेलाडी र स्कोररको उपाधि श्रद्धा मगरले पाएकी थिईन् । यस्तै छात्र तर्फको विजेता सदनले एलिशा एलिशा सदनलाई पराजित गरेको थियो । छात्रको खेलमा सुमीन चेम्जोङ उत्कृष्ठ र पाल्डेन तामाङ उत्कृष्ठ स्कोरर घोषित भएका खेल शिक्षक विनोद भण्डारीले जानकारी दिनुभयो । गत शुक्रवारदेखि शुरु भएको उक्त सदनात्मक प्रतियोगितामा स्कुलका एक दर्जन सदनको सहभागीता रहेको थियो । प्रतियोगिताका विजेता टिम तथा खेलाडीहरुलाई स्कुलका प्रिन्सीपल चन्द्रप्रकाश राईले पुरस्कार तथा प्रमाणपत्र प्रदान गर्नुभएको थियो ।